Happy Thanksgiving!

November 27, 2019, Wednesday, in American Samoa

“Oh that men would give thanks to the Lord for His goodness, And for His wonderful works to the children of men”

Psalms 107:8

Napakabuti ng Panginoon. Sobrang buti nya sa atin kaya naman sa bawat araw na tayo ay nabubuhay dito sa mundo, bawat umaga na tayo ay nagigising, pasalamatan natin Sya at purihin sa mga ginagawa Nya. Pero minsan pag nasa time ka ng pag subok at kaguluhan sa buhay, parang ang hirap magpasalamat, minsan parang sa halip na pasasalamat at papuri ang nasasambit natin ay panaghoy, reklamo, buntong hininga, o minsan luha na lang na kusang dumadaloy sa ating mga pisngi sa sobrang hirap ng pinag daraanan.

Pero kahit na mahirap ang buhay, kahit na minsan mabigat ang ating mga dinadala, pag nag simula tayong mag sambit ng pasasalamat at papuri sa ating Dyos na buhay, napapansin mo ba na gumagaan ang ating pasanin, umaaliwalas ang ating mga mukha, at may spark ng pag asa sa ating mga mata na nag bibigay sa atin ng kalakasan na bumangon muli at tumayo mula sa pagkakalugmok at pagkakadapa?

Minsan nagpi fail tayong makita yung mga bagay na dapat nating ipagpasalamat dahil di natin gusto yung sitwasyon natin o season natin ngayon. Paano bang magpasalamat kung baon ka sa utang, paano ba magpasalamat kung ikaw ay nanakawan o namatayan. Paano ba magpasalamat pag ikaw ay iniwan o pinag palit? Nasaan ba ang kabutihan ng Panginoon sa mga ganong season ng buhay? Paano ba mag pasalamat kung ikaw ay nawalan ng trabaho, nasa abroad malayo sa pamilya at nag kakaron ng problema pero wala kang magawa dahil ikaw ay malayo? Paano ba mag pasalamat sa mabibigat na sitwasyon? Lagi mong tatandaan na mabuti ang Dyos, kung may nararanasan ka man na kabigatan ngayon o pagsubok di yan ang final destination mo. Dumaraan ka lang dyan para maging matatag ka, marahil ay may itinuturo ang Panginoon sa’yo. Marahil ang pinagdaraanan mo ay prerequisite para sa success mo in the future. Kung ano man ang pinag daraanan mo, may plan si Lord para sa’yo at nakatadhanang mangyari yan dahil sabi sa 1 Thessalonians 5:18 “In everything give thanks; for this is the will of God in Christ Jesus for you. Marahil kaya kayo nag break kasi di sya ang itinadhana para sa’yo. Di pa sinasagot ng Dyos ang panalangin mo kasi tinuturuan ka nyang maghintay, or may mas maganda syang plano para sa’yo.

Lahat tayo ay makakaranas at makakaranas ng pag subok, kabiguan sa buhay, pag luluksa, pag hihirap. Wala tayong ligtas dyan. Kahit 24/7 ka pa sa church. Pero ang mahalaga ay kung paano natin haharapin ang mga pag subok ng buhay ng may ngiti sa ating mga labi, kislap ng pag asa sa mata at katatagan ng loob, knowing that the Lord will never leave us nor forsake us.

Napakabuti ng Panginoon sa akin. Although maraming times na nagkakamali ako, pumapalpak, napapahiya, nadarapa, gumugulong sa putikan, nagkakasala, paulit ulit pa rin Nya akong pinapadawad. I don’t deserve anything, but then He gave me hope. I deserve to go to hell, to internal punishment but then He made a way for you and me, through His son Jesus. Naging available ang salvation for us dahil sa ginawa ni Jesus sa cross. And we can be saved from going to hell by admitting that we are sinners, turning away from our old ways and believe in Jesus and build a personal relationship with Him.

Kung ngayon ay nasa gitna ka ng unos ng buhay, feeling mo nag iisa ka kasi iniwan ka o pinagpalit ka, kung ikaw ay nawawalan na nag pag asa dahil lahat ng plano mo ay palpak, kung ikaw ay dumaraan sa matinding kahirapan o karamdaman at pag subok na sa tingin mo ay di mo kayang lagpasan, tatandaan mo kapatid, na sa laban ng buhay di ka nag iisa, nandyan ang Dyos na makakapitan natin at matatawagan. Mahal ka Nya at di ka Nya pababayaan. Panalangin ko para sa’yo ay mag karon ka ng kapanatagan ng isipan, pusong nagtitiwala sa pangako ng Dyos na di ka iiwan, mga matang nakakakita ng kabutihan ng Dyos at labi na di nagsasawang magpasalamat, manalangin at magpuri kahit sa gitna ng pagsubok na ‘yong nararanasan. At kung ikaw ay nagtatanong kung totoong may Dyos, at napakarami mong katanungan at naghahanap ka ng kasagutan? Nawa ay mahanap mo Sya at masumpungan.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s